ព្រះមហាក្សត្រថៃ បានលាយព្រះហត្ថលេខា ប្រទានរាជានុញ្ញាត ឲ្យប្រជារាស្ត្រថៃ ដែលស្រឡាញ់ភេទដូចគ្នា អាចមានសិទ្ធិស្របច្បាប់ រៀបអាពាហ៍ពិពាហ៍ជាមួយគ្នាបាន។ នេះបើតាមព្រះរាជក្រឹត្យ ដែលត្រូវបណ្តាញឃោសនាថៃ ផ្សព្វផ្សាយព្រោងព្រាត នៅថ្ងៃអង្គារ៍ ទី២៤កញ្ញា។ តាមរយៈច្បាប់ថ្មីនេះ ថៃបានក្លាយជាប្រទេសអាស៊ីអាគ្នេយ៍ទី១ ដែលយល់ព្រមទទួលការរៀបមង្គលការរវាងអ្នកស្រឡាញ់ភេទដូចគ្នា។
ព្រះចៅថៃ ហ្លួងមហា វិជ្ជរ៉ា ឡុងកន រាជទានលាយព្រះហត្ថលេខា លើច្បាប់អាពាហ៍ពិពាហ៍អ្នកស្រឡាញ់ភេទដូចគ្នា កាលពីថ្ងៃអង្ការ៍។ រាជក្រឹត្យនេះ ធ្វើឡើងក្រោយពី រដ្ឋសភាថៃ សម្រេចអនុម័តច្បាប់នេះ កាលពីខែឧសភា ហើយព្រឹទ្ធសភា បានយល់ព្រមនៅខែមិថុនា កន្លងទៅ មុននឹងបញ្ជូនបន្ត ថ្វាយព្រះមហាក្សត្រ។
